Көлік полицейлері мемлекетаралық іздеу жарияланған шетел азаматын ұстады.

“Заңсыз келуші – 2023” жедел-профилактикалық іс-шарасының үш күнінде көлік полицейлері 73 азаматты әкімшілік жауапкершілікке тартқан, деп хабарлайды Altaynews polisia.kz порталына сілтеме жасап.

Оның ішінде 58 шетелдік Қазақстанда болу қағидаларын бұзғаны үшін жауапқа тартылған. Оның 54-і ТМД азаматтары болса, алыс шетелдіктердің саны – 4.

Бұл туралы көліктегі полиция департаменті бастығының бірінші орынбасары Мадияр Айтуғанов хабарлады. Оның мәлімдеуінше, сот шешімі бойынша 5 шетелдік елден тысқары шығарылған көрінеді.

19-25 маусым аралығында елде заңсыз жүрген адамдарды анықтау және департаменттің қызмет көрсету аумағындағы заңсыз көші-қон арналарының жолын кесу мақсатында “Заңсыз келуші – 2023” жедел-профилактикалық іс-шарасы өтіп жатыр.