63 қазақстандыққа Ұлттық қордан 100$ алу мақұлданды
Коллаж: Kazinform
БЖЗҚ басқарушы директоры Мұрат Шәріповтің айтуынша, «Ұлттық қор - балаларға» бағдарламасы іске қосылған алғашқы 9 күнде Бірыңғай жинақтаушы зейнетақы қорына жүзден астам өтініш түскен, деп хабарлайды Altainews.kz сайты Қазақпаратқа сілтеме жасап.
Оның ішінде оқу ақысын төлеу үшін қаражатты пайдалануға 54 өтінім, тұрғын үй жағдайын жақсартуға 49 өтінім түсті.
- Осы өтініштердің 63-і орындалды. Уәкілетті операторда ашылған шоттарға төлемдер жүргізілді, 21 өтініш қаралуда, 19 қабылданбады. Кейбір азаматтар бірнеше өтініш берген, соманы немесе деректерді қате көрсеткен. Олар түзетіп, қайта өтініш бере алады, - деді спикер Орталық коммуникациялар қызметінде өткен баспасөз мәслихатында.
Қаржы министрлігінің мәліметінше, биыл Ұлттық қордан 304 815 бала ақшасын пайдалана алады. Оларды білім алу және тұрғын үй жағдайын жақсарту үшін қолдануға болады.
- Ұлттық қордың соңғы 18 жылдағы орташа инвестициялық табысы 695 519 269 АҚШ долларын құрады. Ол 6 919 131 балаға тең бөлінді. Әр баланың шотына 100 АҚШ доллары көлемінде мақсатты жинақ түсті, - деп түсіндірді Бюджеттік кредиттеу, ҚР Ұлттық қорының және ҚР ҚМ қаржы секторының мәселелері бойынша өзара іс-қимыл департаментінің директоры Айбол Арғынғазинов.
Айжанат Бақытқызы
Оқи отырыңыз
2024 жылы Ұлттық қордан қанша бала төлем алады?Ұлттық қордан бөлінетін қаражат бала 18-ге толғаннан кейін 10 жыл сақталадыҰлттық қордан алғашқы төлемді қанша бала алатыны айтылдыҚазақстандықтар баспана сатып алу және емделу үшін БЖЗҚ-дан қанша қаражат алды?Биыл Қазақстан балалары Ұлттық қордан 700 миллион доллар алады
