«Қазақстан мұғалімі» ұлттық сыйлығы – «Әлем мұғалімі» халықаралық сыйлығының жаһандық мұғалімдер сыйлығы кезеңіне өтінімдер қабылдау басталды, деп хабарлайды Altainews.kz тілшісі.

Оқу-ағарту министрлігінің ақпараты бойынша, байқау мұғалімдердің академиялық ғана емес, сонымен қатар әлеуметтік маңызды, қоғамдық қызметтегі ерекше жетістіктерін атап өтеді.

Әлеуметтік жобаларда мұғалімнің жұмыспен қамтылуы балаларды біріктіруге, олардың өзара іс-қимылын шығармашылықпен, біліммен толтыруға мүмкіндік береді және өскелең ұрпақтың үйлесімді дамуына әсер етеді.

«Қазақстан мұғалімі» ұлттық сыйлығы Оқу-ағарту министрлігінің қолдауымен ұйымдастырылуда. Ол 1 миллион АҚШ доллары көлеміндегі жүлде қоры бар «Әлем мұғалімі» Жаһандық сыйлығының (Global Teacher Prize) ұлттық кезеңі болып саналады. Бұл жоба аясында қазақстандық мұғалімдер әлемнің үздік 50 мұғалімнің қатарына екі рет кірді.

Қатысу және сыйлық туралы қосымша ақпарат алу үшін веб-сайтқа https://www.teachers-summit.org сілтемесі арқылы кіріңіз.