2024 жылғы 31 желтоқсанға дейін автомобиль көлігімен үшінші елдерден алма әкелуге тыйым салынды, деп хабарлайды Altainews.kz тілшісі Baribar.kz сайтына сілтеме жасап.

Мұндай шешімді сыртқы сауда саясаты және халықаралық экономикалық ұйымдарға қатысу мәселелері жөніндегі ведомствоаралық комиссия қабылдады.

Шектеу ЕАЭО-ға мүше мемлекеттерден алма әкелуге және Қазақстан аумағы арқылы өтетін халықаралық алма транзитіне әсер етпейді.

Бұйрық алғашқы ресми жарияланған күнінен бастап қолданысқа енгізілді.

2024 жылғы 7 айда шамамен 107, 3 мың тонна алма импортталды (2023 жылдың осындай кезеңімен салыстырғанда 58%-ке өсті). Негізгі импорт Польша, Иран, Өзбекстан, Қытайдан жасалды. Бұл ретте импорттың артуына Қытайдан әкелінген өнімнің 18 есе және Ираннан жеті есе өсуі себеп.