Қазақстанда қабылданған жаңа заңдардың әйелдер құқы мен бала қауіпсіздігіне әсері туралы Ішкі істер министрлігі өз түсініктемесін берді. Соңғы 6 жылда ұйымдастырылған құқықтық және іс-шаралар нәтижесінде әйелдерге қатысты жасалған қылмыстар саны айтарлықтай төмендеген,- деп хабарлайды  Altainews.kz тілшісі inform.kz порталына сілтеме жасап.

2019 жылмен салыстырғанда әйелдерге қатысты зорлық-зомбылық қылмыстары 48%-ға азайып, олардың саны 2 947-ден 1 511-ге дейін төмендеді.

Кісі өлтіру мен денсаулыққа ауыр зиян келтіру қылмыстары да 27% және 25%-ға қысқарған. Ал орташа ауырлықтағы дене жарақаттарын салу жағдайлары 22%-ға азайған. Бұл нәтижелер Қазақстандағы заңдық өзгерістер мен құқық қорғау органдарының қабылдаған шараларының оң әсерін көрсетеді.

Министрліктің мәліметі бойынша, осындай өзгерістер тұрмыстық зорлық-зомбылықтың алдын алуға бағытталған нақты қадамдардың нәтижесі болып табылады, бұл өз кезегінде әйелдер мен балалардың қауіпсіздігін арттыруға ықпал етуде.