Сайрам-Өгем ұлттық паркінде орнатылған фототұзақтар сирек кездесетін қар барысын түсіріп алды. Бұл бірегей бейнежазбалар қар барысының ұлттық парк аумағында мекендейтінін тағы бір мәрте дәлелдеп отыр.

Қар барысы - әлемдегі ең сирек және жойылу қаупі төніп тұрған жануарлардың бірі. Оның табиғи мекендеу ортасында сақталуы парк аумағында қолайлы экологиялық жағдайдың бар екенін көрсетеді.

Алынған бейнелер мен деректер - парк аумағындағы биоәртүрлілікті зерттеуге және оны сақтауға бағытталған ғылыми жұмыстар үшін құнды ақпарат.

Естеріңізге сала кетсек, Катонқарағай ұлттық паркінде Қызыл кітапқа енген жануарларды бақылауға арналған фототұзақтарды тексеру барысында сирек кездесетін сәт бейнежазбаға түсірілген болатын.  

Видео: Орман шаруашылығы және жануарлар дүниесі комитеті