Қазақстан Республикасы Оқу-ағарту министрлігі техникалық және кәсіптік білім беру ұйымдары арасында республикалық «ТОП-100 студент» конкурсының басталғандығын айтты, деп хабарлайды Altainews.kz тілшісі.

Байқаудың мақсаты – техникалық және кәсіптік білім беру жүйесіндегі талантты, болашағынан үміт күттіретін студенттерді анықтау және қолдау. Сондай-ақ, Қазақстан экономикасының түрлі салалары үшін жоғары білікті мамандардың кадрлық резервін қалыптастыру көзделген.

Байқау кезеңдері:

Іріктеу кезеңі – колледж ішінде өткізіледі.
Өңірлік кезең – әр колледжден бес студент қатысады.
Республикалық кезең – әр аймақтан үздік 10 студент қатысып, шешуші сынға түседі.

Қатысушылардың жұмыстары келесі бағыттар бойынша сарапшылардың бағалауынан өтеді:

• Білім беру, өнер және гуманитарлық ғылымдар
• Денсаулық сақтау және әлеуметтік қамсыздандыру
• Жаратылыстану ғылымдары, математика және статистика
• Ақпараттық-коммуникациялық технологиялар
• Бизнес, басқару және құқық
• Әлеуметтік ғылымдар және ақпарат
• Ауыл, орман, балық шаруашылығы және ветеринария
• Инженерлік, өңдеу және құрылыс салалары
• Қызмет көрсету саласы