Қазақстанда газ тұтыну деректері цифрлы жүйеге өтті
Қазақстанда газ тұтыну көрсеткіштерін тіркеу жеңілдей түсті. QazaqGaz Aimaq компаниясы газ есептегіш деректерін жасанды интеллект арқылы автоматты тануға арналған мобильді қосымшаны сынақтан өткізуде, деп хабарлайды Altainews.kz тілшісі Энергетика министрлігіне сілтеме жасап.
Қосымша Қызылорда, Қостанай және Түркістан облыстарында тестіленіп жатыр. Тұтынушы тек есептегішті суретке түсіреді, ал жүйе көрсеткіштерді өзі танып, өңдейді. Бұл бақылаушылардың үйге келуін қажет етпейді және қателік ықтималдығын азайтады.
- Жаңа жүйе шоттарды жылдам есептеуге, тұтыну мәдениетін арттыруға және қызмет сапасын жақсартуға мүмкіндік береді, — делінген министрлік хабарламасында.
Алдағы уақытта қосымшада төлем тарихын көру, есептегішті тексеру туралы ескертулер, жоспарлы жұмыстар туралы хабарламалар және бонус, кэшбэк жүйесі сияқты жаңа функциялар қосылады.
Оқи отырыңыз
Елімізде су тұтынудың жаңа нормалары енгізілмекЕнді «ТЖД ескертпейді». ШҚО-да жаңа мобильді қосымша іске қосылды2025 жылдың соңына дейін барлық өңір балабақшалары ваучерлік жүйеге өтедіӨскемен тұрғындары есептегіш құралдардың көрсеткіштерін қалай бере алады?Қазақстанда баланың қай жерде жүргенін смартфон арқылы бақылайтын жүйе іске қосылады
