23 мамырда Өскемен қаласында ШҚО орта мектептерінің оқушылары үшін спорттық лазертаг бойынша «Қалқан» турнирі ұйымдастырылды.

Ойындарды ұйымдастырудағы мақсат – жастардың бойында патриоттық сезімді ңығайту, әскери қызметті дәріптеу және шекара қызметінің беделін өсіру, деп хабарлайды Altaynews тілшісі.

Турнирді ҰҚК ШҚО бойынша шекара қызметі департаменті, "Застава тарландары" шекара қызметі ардагерлерінің республикалық қоғамдық бірлестігі және "Крепость" тактикалық ойындар клубы бірлесе ойластырған.

Жарысқа облыс орталығы Өскемен қаласының, Глубокое ауданының, Таврия және Герасимовка ауылдарының атынан барлығы 16 команда қатысты.

Қорытынды бойынша 1-орынды №4 орта мектептің "Жас бүркіт" командасы, 2-орынды №26 орта мектептің "Бүркіт" командасы, 3-орынды Герасимовка ауылы орта мектебінің командасы иеленді.