ШҚО полицейлері бос жұмыс орындарының жәрмеңкесіне қатысты.

Іс-шараны "Аманат" партиясы жанындағы "Жастар рухы" ЖҚ ШҚОФ ұйымдастырды, деп хабарлайды Altaynews тілшісі.

Өскемен қаласындағы Арбатта өткен жәрмеңкеге полиция қызметкерлері қатысты.

Іс-шараның негізгі міндеті – ішкі істер органдарының бөлімшелеріне қызметке қабылдау бойынша түсіндіру жұмыстарын жүргізу.

Жәрмеңкеге қатысушылар тәртіп сақшыларына қойылатын талап туралы, заңдарды білу деңгейін анықтайтын тестілеуден өту ретін, денешынықтыру дайындығын тапсыру кезіндегі нормативтер туралы сұрады. Одан өзге, студенттер полиция қызметкеріне тән кәсіби машықтар мен жеке қасиеттер туралы мәлімет алды.

Сонымен қатар қатысушыларға пайдалы ақпарат жазылған жадынамалар таратылды.