ШҚО-да салынатын жаңа жылыжайға 30-ға жуық сотталған азамат жұмысқа алынады.

Облыстағы түзеу мекемелерінде сотталғандардың 45 пайызға жуығы жұмыспен қамтылған, деп хабарлайды Altaynews тілшісі Polisia.kz сайтына сілтеме жасап.

ШҚО бойынша қылмыстық-атқару жүйесі департаменті қызметкерлерінің айтуынша, сотталғандарды түзеу мен келтірілген залалды өтеудің негізгі құралдарының бірі – оларды жұмыспен қамту.

Колония аумағында бес жылдан астам уақыт жұмыс істеп келе жатқан кәсіпкер Мұхит Кенебаев тиімді шарттармен кәсібін дамытуды жалғастырып жатыр. Сонымен қатар ол Өскемендегі №17 мекеме базасында көлік жөндеу және құрылыс материалдарын шығару бойынша өндірістік орын ашуды жоспарлап отыр. Сонымен қатар ол Шемонаиха қаласында жылыжай кешенін кеңейтуді де жоспарлап отыр.