Жаңа оқу жылының қарсаңында ШҚО аумағында 30 қыркүйекке дейін «Назар аударыңыз! Балалар!» жедел профилактикалық іс-шарасы өтеді. Шара 27 тамызда бастау алды.

Әкімшілік полиция қызметкерлері шара аясында білім беру мекемелеріне жақын орналасқан жол учаскелерінде 211 тексеру жүргізді, деп хабарлайды Altaynews тілшісі.

Қауіпсіздік мақсатында қалалар мен елді мекендердегі жолдардың бойына 870 белгі орнатылды. 98 мектептің жанына "Зебра" көлденең жол белгісі салынды. 86 білім беру нысанында жылдамдық бәсеңдеткіш жасанды жол кедергілері орнатылды.

Қозғалыс қауіпсіздігі мақсатында реттелмейтін жаяу жүргіншілер өткелдерінің алдына орнату үшін балалардың 20 макеті дайындалған.