KZ
Өскемен
-9°
туман жел 2 м/с, В
523.86 544.34 5.11

А.С.Пушкин атындағы кітапхананың оқырмандарына цифрлық қызметтердің 17 түрі көрсетіледі

Фото: kzaif.kz

18.10.2023, 14:00 290 Мадина Амангелдіқызы

Бүгінгі таңда аймақтағы ең ірі кітапхананың кітап қоры – 239 мың дана, оның ішінде 13 мыңнан астам құжат цифрлық форматқа көшірілген.

Кітапханадағы үдерістерді автоматтандырып, электронды форматқа көшіру – бұл заман талабы, деп хабарлайды Altaynews.kz тілшісі.

– Кітапханадағы жасампаз өзгерістер, бүкіл кітапхана жүйесінің жұмысын жаңғыртып, бір ізге келтіру, кітап қорының электронды форматта қолжетімді болуы өте маңызды. Жұмысты қайта бағдарлап, заманауи интерактивті сайт пен ұялы қосымша жасау керек. Сонда кез келген оқырман жылдам жазылып, қысқа мерзімде өзіне қажет кітабын алып кете алады, – дейді облыс әкімі Ермек Көшербаев.

Әрине, оқырмандар кітапхананың қорына бұрынғыдай «классикалық форматта» да қол жеткізе алады. Бірақ халықтың сұрауларына әрекет ету жедел әрі ыңғайлы болуы үшін Шығыс Қазақстанның кітапханаларының жұмысын бүгінгі заманның талабына сай етіп қайта бағдарлау қажет. Атап айтсақ, жұмысты автоматтандыру, кітап қорын ыңғайлы цифрлық форматқа көшіру, кітапхананың бағдарламалық жасақтамасы мен сайтын жаңарту, қарапайым әрі қолжетімді ұялы қосымша жасап шығару керек. Бұл оқырмандарға аймақтағы кітапханалардың кітап байлығын пайдаланудың әдісі мен формасын өз бетінше таңдауға мүмкіндік береді.

 

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу