Шәкәрім көшесінде жол ортасында "Део" маркалы автокөлік өртеніп, өрт 2,5 шаршы метр аумаққа тараған.

Зардап шеккендер жоқ, деп хабарлайды Altaynews тілшісі.

Биыл барлығы 80-нен астам көлік өрті тіркелген. ШҚО ТЖД ұсынған дерекке сүйенсек, өрттің жиі кездесетін себебінің бірі — электр сымдарының тұйықталуы. ШҚО ТЖД өрттің 80 пайызы электр сымдарының тұйықталуына байланысты екенін мәлімдеді. Дерекке сүйенсек, көлік иелерінің көбі  көлігін мамандандырылған техникалық тексеру орындарынан өткізбейді, яғни сертификаты жоқ адамдарға тексертетін көрінеді.

Құтқарушылар көліктің тұтануына 4-6 минут жеткілікті екенін айтады. Мамандар көліктен түтіндей бастаса көліктен шығу қажеттігін айтады, себебі уланып қалу қаупі жоғары көрінеді.

Төтенше жағдайда «101» немесе «112» нөмірі арқылы хабарлау қажет.