Полиция қызметкерлері тәулік бойы өңірдегі тәртіп пен қауіпсіздікті күзетеді, әсіресе жаңажылдық демалыстарда тұрғындардың мерекені қауіпсіз қарсы алуын қамтамасыз етеді, деп хабарлайды Altаynews.kz сайты.

Мәселен, Өскеменде қоғамдық тәртіпті бұзуға жол берілмеді. 1 қаңтарда 216 әкімшілік құқық бұзушылық тіркелді, оның ішінде: жол жүрісі қағидаларын бұзу бойынша - 182, ішімдік ішу және қоғамдық орындарда мас күйде жүру бойынша - 16 факті және  тыныштықты бұзу бойынша - 5 факті тіркелген.

Тексеру кезінде екі мас жүргізуші анықталды, оларға қатысты ҚР ӘҚБтК-нің 608-бабы бойынша әкімшілік хаттамалар толтырылды.

Тәртіп сақшылары қызмет өткерудің күшейтілген режимінде жұмыс істеуді жалғастыруда және азаматтарға қоғамдық тәртіп пен жол жүрісі қағидаларын бұзуға жол бермеу керектігі туралы ескертеді.