Елордалық «Astana Ballet» театрында ШҚО әкімі симфониялық оркестрінің бас дирижері, ҚР еңбек сіңірген қайраткері, «Құрмет» орденінің иегері Александр Галсановтың жетекшілігімен «Классикалық музыка кеші» концерті өтеді, деп хабарлайды Altaynews.kz тілшісі.

Айта кетейік, концерттік бағдарламада белгілі қазақстандық және шетелдік композиторлардың вокалдық, классикалық және аспаптық шығармалары орындалады. 

Сондай-ақ, музыкалық кеште «Ертіс концерт» КМҚК халықаралық және республикалық байқауларының лауреаттары Ботагөз Жұмабекова, Жанат Бисимбаев, Арника Байбусынова, Абай Қайырбек, Дарын Бисаринов, Мәдениет үздігі Айжан Мазкенова, ҚР Мәдениет қайраткері Альмира Нұрғожина, ҚР еңбек сіңірген әртісі Вячеслав Ткач өнер көрсетеді.

Концерт 21 қаңтарда сағат 16:00-де «Astana Ballet» театрында Астана қаласы, Ұлы дала, 43 мекенжайында өтеді. Кіру тегін. 

Айжанат Бақытқызы