Былтыр облысымызда өрт қауіпсіздігі ережелерін сақтамаған 920 тұлға әкімшілік жауапкершілікке тартылған.

Бұл туралы өңірлік коммуникациялар қызметінде өткен брифингте облыстық Төтенше жағдайлар департаменті Мемлекеттік өрт бақылау басқармасының мамандары мәлім етті, деп хабарлайды Altainews.kz тілшісі.

Баспасөз мәслихатына қатысқан ТЖД мамандары БАҚ өкілдеріне нысандардағы тексеріс жұмыстары қалай жүргізілетінін түсіндірді.

Брифингте биылдан бастап «Қазақстан Республикасының кейбір заңнамалық актілеріне кәсіпкерлік қызмет саласында жаңа реттеуші саясатты енгізу және Қазақстан Республикасы Ішкі істер органдарының жекелеген функцияларын қайта бөлу мәселелері бойынша өзгерістер мен толықтырулар енгізу туралы» ҚР-ның 2021 жылғы 30 желтоқсандағы №95-VII Заңымен, Кәсіпкерлік Кодекске және «Азаматтық қорғаныс туралы» Заңға өзгерістер енгізілгені жайында да айтылды.

Кодекстің 137-бабына сәйкес, 2023 жылғы 1 қаңтардан бастап мемлекеттік өрт бақылауы субъектіге (объектіге) бара отырып, профилактикалық бақылау формасында жүзеге асырылады.