ШҚО-да 12 ақпаннан бастап «Ауладағы кездесу» республикалық акциясы өтуде. Оның негізгі мақсаты - құқық бұзушылықтар мен қылмыстардың алдын алу, сондай-ақ халықпен тығыз қарым-қатынас орнату.

Бұл туралы облыстық Полиция департаменті баспасөз қызметі мәлім етті, деп хабарлайды Altainews.kz тілшісі.

Тұрғындармен кездесу барысында полиция қызметкерлері интернет-алаяқтықтың негізгі түрлері мен тәсілдері және алаяқтардың айла-амалдарына қалай түспеу керектігі туралы, отбасылық-тұрмыстық қатынастар саласындағы құқық бұзушылықтарды анықтау және жолын кесу, ұсақ бұзақылық фактілері, абаттандыру мәселелері және мал ұстау ережелері туралы түсіндіреді.

Мұндай кездесулерде тұрғындар сұрақтарына жауап алып, белгілі бір мәселені жақсарту бойынша өз идеяларын да ұсына алады.

«Ауладағы кездесу» акциясы 30 наурызға дейін жалғасады.

                                                                   Айжанат Бақытқызы