Алтай ауданының аумағында су тасқыны жағдайына тәулік бойы бақылау жүргізілуде.

Бүгінгі таңда қар қалыңдығы 82 см, ал таулы жерлерде 105-115 см дейін жетеді. Көшкін қаупінің деңгейі айтарлықтай бар (қызғылт сары), деп хабарлайды Altainews.kz тілшісі аудан әкімдігі ақпаратына сүйеніп.

Семей қаласының ҚР ТЖМ №68303 әскери бөлімінің 25 әскери қызметшісі аудан аумағында су тасқынына қарсы алдын алу жұмыстарын жүргізу үшін қауіп бар учаскелерде тәулік бойы кезекшілік етуде.

Қазіргі уақытта аудан аумағындағы барлық каналдарды (10), арықтарды (71), су өткізу құрылыстарын (127) және көпірлерді (24) тазалау аяқталды. Жыл басынан бері Алтай ауданынан барлығы 40,6 мың текше метр қар шығарылды.

5 орындық ПВХ Марлин қайығын, диаметрі 80 мм 10 қысымды шланг және 6 сорғыш шланг, 2 мотопомпа, дизельді жылу пушкілері және 5000 дана қапшықты сатып алуға қаржы бөлінді.