ШҚО-ның екі қаласындағы ауа сапасы ертең де нашар болады
pexels.com
Өскемен мен Риддерде қолайсыз метеорологиялық жағдай туралы ескерту жарияланды.
Бұл туралы "Қазгидрометтің" баспасөз қызметі мәлімдеді, деп хабарлайды Altainews.kz сайтының тілшісі.
- 7 сәуір сағат 20.00-ден 8 сәуір сағат 20.00-ге дейін Өскемен, Риддер қалаларында қолайсыз метеорологиялық жағдайларға байланысты ҚМЖ туралы екінші дәрежелі ескертуі жарияланады, - делінген хабарламада.
Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Оқи отырыңыз
