Елімізде «Таза Қазақстан» республикалық акциясы басталған болатын.

Экологиялық шара әр апта сайын белгілі бір тақырып аясында өтеді, деп хабарлайды Altainews.kz тілшісі.

«Таза өлке». Бірінші аптада елді мекендердің тұрғындары, қоғам қайраткерлері, ұйымдардың қызметкерлері өз аумағындағы аулаларды тазалайды.

«Киелі мекен». Екінші апта тарихи-мәдени ескерткіштердің аумағын абаттандыруға арналады.

«Жасыл аймақ». Үшінші аптада көшет отырғызу, ағаштарды әктеу жұмыстары жүргізіледі.

«Өнегелі ұрпақ». Акцияның төртінші аптасында ардагерлердің аулалары мен қарттар үйінің аумағын тазалау, абаттандыру көзделеді.

«Мөлдір бұлақ». Акцияның қорытынды, бесінші аптасында өзендер мен көлдер қоқыстан тазартылады.

Қаладағы аймақтық басқару орталықтары сенбілік жұмыстарын үйлестіріп, қай аулаларда тазалық жұмыстары жүріп жатқанын, қай орындардан жиналған қоқысты шығару қажеттігін «Таза Өскемен» мекемесіне хабарлайды, мекеме барлық жиналған қоқысты қала сыртына шығарады.

Қаланы қоқыс-қалдықтардан тазарту жұмыстары екі-үш аптадан соң тал егу, көшеттер отырғызу жұмыстарымен жалғаспақ.