Мемлекет басшысы Қасым-Жомарт Тоқаевтың бастамасымен 6 сәуірден бері республика көлемінде «Таза Қазақстан» акциясы жүріп жатыр. Бір айға созылатын экологиялық науқан барысында өңірлерде сенбілік ұйымдастырылып, көшелерді, аулаларды және өзен жағалауларын тазалау, ағаш егу жұмыстары жүйелі түрде жүргізіледі.

Осыған орай өңір басшысы Ермек Көшербаевтың тапсырмасымен облыс орталығында арнайы жоспар әзірленді, деп хабарлайды Altainews.kz тілшісі.

Қала әкімінің айтуынша, 20 сәуір – «Киелі мекен» күні қаламыздағы ескерткіштер мен мемориалдық кешендер, скверлер ретке келтіріледі.  27 сәуірге дейінгі «Жасыл аймақ» апталығы тал егу, ағаш көшеттерін отырғызу жұмыстарына арналмақ.

Мамыр айының басында «Өнегелі ұрпақ» апталығы аясында облыс орталығының ерікті жастары жалғыз ілікті қариялар мен ардагерлердің ауласын тазалауды қолға алады.

11 мамыр - «Мөлдір бұлақ»  апталығында Ертіс пен Үлбі өзендерінің жағалауы қоқыстан тазартылады.