Балалар  арасында тоғызқұмалақты дәріптеу, олардың ұлттық спорт түрлері бойынша шеберлігін арттыру мақсатында 2024 жылғы 19 сәуірде Өскемен көпсалалы технология колледжі базасында 2-11 сынып оқушылары үшін тоғызқұмалақтан республикалық олимпиаданың облыстық кезеңі өткізілді, деп хабарлайды Altainews.kz тілшісі.

Жарысқа Өскемен қаласының, Зайсан, Қатонқарағай, Күршім, Самар, Тарбағатай, Ұлан аудандарының және Облыстық мамандандырылған IT-мектеп-лицейінің командалары қатысты.

Жарыс қорытындысы бойынша жалпы командалық есепте жеңіске жетті:

Ұлдар арасында:

І орын – Зайсан ауданының командасы;

ІІ орын – Өскемен қаласының командасы;

ІІІ орын – Ұлан ауданының командасы.

Қыздар арасында:

І орын – Өскемен қаласының командасы;

ІІ орын – Күршім ауданының командасы;

ІІІ орын – Ұлан ауданының командасы.