ШҚО ТЖД: Пеште қараусыз қалған тамақ өртке себеп болуы мүмкін
Жыл басынан ШҚО өрт сөндірушілері пәтер тұрғындарының тамақты пеште қараусыз қалдыруларына қатысты 30-дан астам мәрте оқиға орындарына шыққан, деп хабарлайды Altainews.kz тілшісі.
Соңғы жағдай Өскемендегі Қазақстан көшесі бойында болды. Бесқабатты үйдің 3-ші қабатындағы пәтерде пеште қараусыз қалған тамақтың кесірінен асүйдің пердесі мен керілмелі төбесі жанып кетті.
– Тамақ жанған кезде таралатын түтін пәтерден тыс жерлерге тез тарайды. Жоғары температурадан табаның тұтқалары, пеш маңындағы пластмассадан жасалған бұйымдар, мысалы кесу тақтасы ери бастайды. Пластмасса уытты газ бөледі, – дейді ШҚО ТЖД бастығының орынбасары Серік Амангелдин.
Тамақты пеште қалдырған үшін Әкімшілік құқықбұзушылық туралы кодекстің 410-шы бабы бойынша жауапкершілік қарастырылған.
ШҚО ТЖД тамақ тұрған электр плитасын қараусыз қалдырмауды, электр пештердің жанына перде ілмеуді, жанғыш материалдарды қоймауды ескертеді. Пәтерде өртсөндіргіштің болғаны жөн.
Фото: ШҚО ТЖД баспасөз қызметі
Оқи отырыңыз
