Бүгінгі таңда "Бәйтерек" бөлшектелген конструкциясы "Таза Өскемен" МКК базасында тұр.

Қала орталығында тұрған кезінде сәулет нысанын күтіп ұстау бойынша ешқандай жұмыстар жүргізілмегендіктен, темір құрылымның әбден тозығы жеткен, деп хабарлайды Аltainews.kz тілшісі.

Өскемен қалалық әкімдігінің баспасөз қызметі ақпараты бойынша, оның үстіне демонтаждау кезінде кранға бекітілген сымы үзіліп кетіп, конструкцияның үстіңгі бөлшегіне зақым келген. Оны қалыпқа келтіру мүмкін емес, яғни, құрылысты пайдалану қауіпті.

Ал Ертіс көпірінің алдындағы шеңберлі жолды ретке келтіру бойынша бірнеше нұсқа қарастырылған. Тоғыз жолдың торабы болғандықтан, бұнда екі деңгейлі жол айрығы қалыптаспақ.