ШҚО әкімдігі Риддер экс-әкімінің ұсталуы туралы түсініктеме берді
Фото: nur.kz
Риддер қаласының экс-әкімі Дәулет Батырбаевтың ұсталуы туралы ақпаратқа ШҚО әкімдігінде түсініктеме берілді, деп хабарлайды Аltainews.kz тілшісі.
– БАҚ сауалдарына жауап бере отырып, Шығыс Қазақстан облысы әкімдігінде құқық қорғау органдарының азамат Д.Батырбаевты ұстағаны туралы ақпарат жоқ екенін хабарлаймыз, – деп мәлімдеді әкімдіктің баспасөз қызметі.
Әкімдік аталған азаматтың 3 ай бұрын Риддер қаласының әкімі қызметінен өз еркімен кеткенін хабарлады. 2024 жылдың сәуір айынан бастап Д.Батырбаев жергілікті атқарушы органда жұмыс істемейді, мемлекеттік қызметші болып саналмайды.
– Риддер қаласы әкімдігінің лауазымды тұлғаларына қатысты қылмыстық істер тіркелмегенін қосымша хабарлаймыз, – деп нақтылады әкімдікте.
Естеріңізге сала кетейік, бұған дейін бұрынғы қала басшысының 200 миллион теңге ұрлады деген күдікке ілінгені туралы ақпарат таралған болатын.
Бұл туралы журналист Михаил Козачков өзінің Telegram-арнасында хабарлаған.
– Риддер қаласының бұрынғы әкімі Дәулет Батырбаев ұсталды. Ол 200 миллион теңге жымқырды деген күдікке ілінді. Тергеумен ҚМА (Қаржы мониторингі агенттігі) айналысуда, – деп жазды Козачков Telegram-арнасында.
Оқи отырыңыз