Күршім ауылының су құбырлары жаңартылып жатыр
Фото: depositphotos.com
Күршім ауылында жалпы құны 2022,4 млн теңге болатын су құбырларын жаңарту жобасы іске асуда, деп хабарлайды Altainews.kz тілшісі.
Жобалық-сметалық құжаттаманы «Казниихимпроект» ЖШС әзірледі. Жобаға тапсырыс беруші – Күршім ауданы құрылыс, тұрғын үй-коммуналдық шаруашылық бөлімі, мердігер – «Integra Construction KZ» ЖШС.
– Жобаға сәйкес бірінші және екінші көтергіш сорғы станцияларын, әрқайсысының көлемі 500 м3 болатын екі су резервуарын, трансформаторлық станцияны реконструкциялау көзделген. Жаңартылатын желілердің жалпы ұзындығы – 80 км, – дейді энергетика және тұрғын үй-коммуналдық шаруашылық басқармасы сумен жабдықтау бөлімінің басшысы Рауан Тұрысбек.
Жоба 2023 жылдан жүзеге асуда. 2023-2024 жылдары нысанға 1 859,2 млн теңге бөлінді.
Қазірге дейін 13 км желі салынған.
Оқи отырыңыз
