Шығыс Қазақстан облысында ерекше қажеттіліктері бар 38,7 мың адамның 5,2 мыңы (13,5%) дене шынықтырумен және спортпен жүйелі түрде айналысады, деп хабарлайды Altainews.kz тілшісі.

Бұл санның өсіп келе жатқандығы өңірде мүмкіндігі шектеулі азаматтарға спорттық қолдау көрсету шараларының тиімділігін көрсетеді.

Ұлттық құрамаға 42 мүмкіндігі шектеулі спортшы еніп отыр, бұл өңірде жүргізіліп жатқан спорттық бағдарламалар мен қолдау жұмыстарының нәтижесін айқындайды. Облыста мүмкіндіктері шектеулі азаматтарға арналған спорттық инфрақұрылым үнемі жақсартылып, олардың дене шынықтырумен айналысуына қолдау көрсетілуде.

Шығыс Қазақстан облысында осы бағытта жүйелі жұмыс атқарылып, мүмкіндіктері шектеулі азаматтарға арналған спорттық шаралар мен бағдарламалар кеңінен жүзеге асуда.