Белгілі бүркітші Айшолпан Нұрғайыпқызы азаматтық көзқарасын білідіру үшін референдумға келді, деп хабарлайды Altainews.kz тілшісі.

Ол Ұлан ауданы Бозанбай ауылындағы №976 референдум учаскесінде дауыс берді.

Айшолпанның бұл әрекеті жастарға үлгі. Оның белсенді өмірлік ұстанымы референдумға қатысу тек таңдау құқығы емес, сондай-ақ әрбір азаматтың міндеті екенін көрсетеді.

Айта кетейік, бүркітші қыз отбасымен Моңғолиядан Шығыс Қазақстан облысына көшіп келген. Алдағы уақытта жергілікті билікпен құсбегілік өнерді дамыту бойынша бірлесіп жұмыс істемек.