ШҚО-да мал дәрігерлері жетпей жатыр
Аймақтың ауыл шаруашылығы саласында мал дәрігерлері мамандарының тапшылығы әлі де байқалуда. Қазіргі күні облысқа 50-60 мал дәрігері қажет болып отыр, деп хабарлайды Altainews.kz тілшісі.
- Маман жетіспеушілігі 10 пайыз көлемінде. Ветеринария саласында жұмыс істеп жүргендердің 20 пайызын зейнеткерлер мен зейнетке шығуға жақындап қалған мамандар құрап отыр. Зейнетке шығатындарға әрі қарай қалып, тәжірибелеріңізбен бөлісіп, жас мамандардың жұмысына бағыт-бағдар беріп отырыңыздар, бір-екі жыл болса да істеп кетсеңіздер деген тілектерімізді айтып келеміз. Салаға білікті мамандар да аса қажет, - дейді облыстық ветеринария басқармасының басшысы Рамиль Сағандықов.
Аудандардағы ветеринар мамандардың астында қызметтік көліктері де жоқтың қасында. Былтыр, алдыңғы жылы төрт-бес көлік сатып алынғанымен бүгінде облыстағы ветеринарлық пункттерге 99 көлік қажет болып отыр. Басқарма басшысы алдағы уақытта өз тараптарынан осы мәселелерді шешуге күш салынатынын айтты.
Жанаргүл Көкенайқызы
Оқи отырыңыз
