"Қазгидромет" ШҚ филиалының мәліметінше, 21 қараша күні облыстың солтүстігі мен шығысында күндіз қатты жауын-шашын (жаңбыр, қар) күтіледі. Облыстың батысында, солтүстігінде және шығысында бұрқасын мен көктайғақ болуы ықтимал. Жел оңтүстік-шығыстан және оңтүстіктен соғып, жылдамдығы 15-20 м/с-қа дейін жетуі мүмкін. Өскемен қаласында да бұрқасын болып, жел екпіні 15-18 м/с-қа дейін күшеюі ықтимал.

Қауіпсіздік шаралары:

• Егер көлігіңіз қыс мезгіліне дайын болмаса, елді мекендерден тыс сапарға шықпағаныңыз жөн.
• Жолға шыққан жағдайда, құтқарушылар қажетті заттарды алуға кеңес береді:
  • сүйрейтін арқан,
  • жанармай қоры,
  • күрек,
  • қол шам,
  • алғашқы медициналық көмек қобдишасы,
  • жылы киім,
  • азық-түлік,
  • шамдар.
• Автокөлік жүргізушілері жылдамдық режимін сақтап, жолдағы қауіпсіздік ережелерін қатаң ұстануы қажет.
• Жаяу жүргіншілер жарақаттанудың алдын алу үшін сақтық шараларын қабылдағаны жөн.

Жел кезінде қауіпсіздік ережелері:

• Желдің күшеюі кезінде дереу ғимаратқа жасырынған дұрыс.
• Үй қабырғаларының жанында, аялдамаларда, жарнама тақтайшаларының астында, ағаштардың түбінде тығылмаңыз.
• Үзілген сымдар мен тербеліп тұрған маңдайшаларға жақындамаңыз.
• Көлігіңізді шіріген, ескі немесе жалғыз тұрған ағаштардың жанында қалдырмаңыз.

Егер төтенше жағдай орын алса, "112" нөміріне дереу қоңырау шалыңыз.

ШҚО ТЖД баспасөз қызметі