ШҚО спортшылары 9-шы қысқы Азия ойындарына дайындалып жатыр
Фото: Аяужан Утеулинова
ШҚО-да тоғызыншы қысқы Азия ойындарына дайындық қалай жүріп жатыр және қанша спортшы қатысады? Бұл туралы көшпелі брифинг барысында ШҚО дене шынықтыру және спорт басқармасы жоғары спорт жетістіктері және бұқаралық спорт бөлімінің басшысы Аида Жұханова мәлім етті, деп хабарлайды Аltainews.kz тілшісі.
– Тоғызыншы қысқы Азия ойындары келесі жылдың ақпан айында Қытайдың Харбин қаласында өтеді. Харбин бұл ойындарды екінші рет қабылдайды. Бүгінгі таңда спортшыларымыз белсенді дайындық үстінде, оқу-жаттығу жиындарына қатысуда, халықаралық рейтингтік және республикалық жарыстарда бақ сынауда. Бұл жарыстар – осы ойындарға іріктеу кезеңі. Қазіргі кезде сан алуан спорт түрлері бойынша 20-дан астам спортшы Азия ойындарына іріктелу үшін дайындық жұмыстарын жүргізіп жатыр, – деді ШҚО дене шынықтыру және спорт басқармасы жоғары спорт жетістіктері және бұқаралық спорт бөлімінің басшысы Аида Жуханова.
Атап өтерлігі, ШҚО-да дене шынықтырумен айналысатын халық саны 42%-ға артып отыр. Бұған негізгі себептердің бірі – спорттық инфрақұрылымның тиімді пайдаланылуы және ауқымды спорттық-бұқаралық іс-шаралардың ұйымдастырылуы.
Бұл іс-шаралар арқылы басқарма халықты спортқа, салауатты өмір салтына шақырып, олардың дене шынықтырумен белсенді айналысуына ықпал етіп келеді.
Ержан Әбіш
Оқи отырыңыз
