Қазақстан мектептеріндегі 2024-2025 оқу жылының демалыс кестесі белгілі болды. Оқушылардың екінші тоқсаны сегіз аптаға созылады, ал қысқы демалыс 10 күнге жалғасады – 2024 жылғы 30 желтоқсаннан 2025 жылғы 8 қаңтарды қоса алғанда, - деп хабарлайды  Altainews.kz тілшісі Tengrinews.kz порталына сілтеме жасап.

1-сынып оқушыларына арналған қосымша демалыс 2025 жылғы 10-16 ақпан аралығында өтеді және ұзақтығы 7 күнді құрайды.

Ең ұзақ үшінші тоқсан он аптаға созылады. Ал көктемгі демалыс 2025 жылғы 21-31 наурыз аралығында, яғни 11 күнге жалғасады.

Төртінші тоқсан сегіз аптаға созылып, оқу жылының қорытынды бөлігін қамтиды.

9-10-сыныптар үшін бітіру емтихандары: 2025 жылғы 29 мамыр – 9 маусым аралығында.

11-12-сыныптар үшін бітіру емтихандары: 2025 жылғы 30 мамыр – 12 маусым аралығында өтеді.