2025 жылдың 1 қыркүйегінен бастап Қазақстанда студенттердің стипендия көлемі айтарлықтай ұлғайтылады. Бұл туралы Ғылым және жоғары білім министрлігі мәлімдеді,- деп хабарлайды Altainews.kz тілшісі.

Министрлік дерегіне сәйкес, ЖОО және колледж студенттері үшін стипендия көлемі екі есе, ал магистранттар мен докторанттар үшін 1,75 есе артады.

Стипендия көлемі келесідей болмақ:

• Бакалавриат студенттері – 52 372 теңге;
• Педагогикалық және медициналық бағыттағы білім алушылар – 84 000 теңге;
• Магистранттар – 117 098 теңге;
• Докторанттар – 262 500 теңге;
• Интернатура студенттері – 94 862 теңге;
• Резидентура студенттері – 134 664 теңге.