Шығыс Қазақстан облысының әкімі Нұрымбет Сақтағанов Алтай аудандық ауруханасының техникалық жабдықталуымен танысып, медициналық қызметкерлермен және емделушілермен әңгімелесті, деп хабарлайды Altainews.kz тілшісі.

Өңір басшысына пациенттерді диагностикалау мен емдеуге арналған заманауи медициналық құрылғылардың жұмысы көрсетілді. Сондай-ақ аудандық ауруханада көрсетілетін медициналық қызмет түрлері таныстырылды.

Нұрымбет Сақтағанов тұрғындарды қолжетімді әрі жоғары технологиялы медициналық көмекпен қамтамасыз етудің маңызына тоқталып, денсаулық сақтау жүйесін жаңғырту – өңір дамуының басым бағыттарының бірі екенін атап өтті.

Сапар барысында дәрігерлер мен медицина қызметкерлерінің еңбек жағдайларына да ерекше назар аударылды. Өңір басшысы емделушілермен сөйлесіп, көрсетілетін қызметтердің сапасы мен ауруханадағы жағдай туралы пікірлерін білді.

Аурухана басшылығына медициналық инфрақұрылымды одан әрі дамыту және халыққа көрсетілетін қызмет сапасын арттыруға бағытталған нақты тапсырмалар берілді.

Фото: Махаббат Ахметжанова