Өскеменде «АЭС Өскемен ГЭС» ЖШС базасында мектеп оқушылары үшін Ашық есік күні өтті. Шара ШҚО білім басқармасы мен кәсіпорынның ұйымдастыруымен жұмысшы мамандықтар жылына орай ұйымдастырылды. Кездесуге техникалық және инженерлік мамандықтарға қызығатын оқушылар қатысты.

Облыстық кәсіптік білім беру орталығы директорының орынбасары Ләзат Кездікбаева да бұл бастаманың маңыздылығын атап өтті.

Экскурсия барысында оқушылар өңірдегі ірі энергетикалық нысанның жұмысымен танысып, гидроэлектростанцияда қолданылатын заманауи технологиялар туралы білді. ГЭС инженерлері мен техниктері өз мамандықтары туралы әңгімелеп, жабдықтарды көрсетіп, станция жұмысының негізгі кезеңдерін түсіндірді. Сондай-ақ, оқушылар еңбек жолында табысқа жету үшін қажет кәсіптік дағдылар мен маңызды қасиеттер туралы сұрақтарына жауап алды.

Кездесу аясында қызықты квест-ойын ұйымдастырылып, жеңімпаздарға өңірдегі колледждерде бейіндік мамандықтар бойынша тегін оқу жолдамасы табысталды. Сонымен қатар, кәсіпорын қызметкерлері оқушыларға өз еңбек жолдарын айтып, тәжірибелерімен бөлісті.

№14 мектептің оқушысы Айзада Мархабатқызы болашақта электр энергетикасы саласының маманы болуды қалайтынын жеткізді:

Ашық есік күні оқушылар үшін маңызды оқиға болды. Бұл шара олардың жұмысшы мамандықтар әлеміне енуіне және инженерлік-техникалық мамандықтардың ел дамуы үшін қаншалықты маңызды екенін түсінуіне мүмкіндік берді.

Фото/видео: Евгений Щетников