Өңірде туризмді дамытуға бағытталған кешенді жоспар қабылданды. Болашақта әр аудан үшін жеке даму жоспары әзірленеді, деп хабарлайды Altainews.kz тілшісі.

Алайда алдағы уақытта өңірде нақты әрі нысаналы стратегиялар – әр ауданға арналған жеке мастер-жоспарлар әзірленбек.

Қазіргі уақытта бірнеше кешенді даму стратегиясы дайындалу үстінде.

Жеке жоспарлар дайын болғанша өңір билігі алдын ала жоспарланған іс-шараларды жүзеге асыруды жалғастыра береді. Мәселен, облыс орталығының парктік аймағында Қонақжайлылық колледжі ашылмақ. Онда туризм саласы қызметкерлері – гидтер, даяшылар, тазалықшылар, аспаздар және басқа да мамандар даярланады.

Сонымен қатар өңірге жаңа қоғамдық тамақтану брендтерін тарту көзделіп отыр. Бұл мәселеде облыс басшылығы кәсіпкерлерден қолдау көрсетуді сұрайды.