Биыл Шығыс Қазақстан облысында 339 км жол жөндеу жоспарланып отыр. Бұл туралы ШҚО әкімдігінде өткен отырыста Жолаушы көлігі және автомобиль жолдары басқармасының басшысы Нұржан Жұмаділов айтты, деп хабарлайды Altainews.kz тілшісі.

Оның айтуынша, 5,2 млрд теңге жолдар мен көпірлерді салу және реконструкциялауға бөлінген. 

Биыл облыстық маңызы бар жолдарды орташа жөндеуге 16 жоба жоспарланған. Оның ішінде «Ақжар – Шілікті – Зайсан», «Ақжар – Омбы – Майқапшағай», «Күршім – Қалжыр», «Күршім – Қалжыр – Бұрабай», «Октябрь өткелі – Алтайка – Новохайрузовка», «Новотроицкое ауылына кіре беріс" сияқты жалғасып жатқан жобалар бар. Сондай-ақ, «Өскемен – Тарғын – Самар», «Васильевка – Бозанбай», «Көкпекті – Самар – Васильев өткелі», «Күршім – Қалжыр – Ақсуат» сияқты жаңа жобалар қолға алынады.
Риддер қаласына дейінгі жол қатынасы да жақсармақ.  

Бұл жобалар өңірдегі жол инфрақұрылымын жақсартып, тұрғындардың қауіпсіз әрі ыңғайлы қатынауын қамтамасыз етуге бағытталған.

Фото: Махаббат Ахметжанова