Өскеменде қоғамдық көлік жаңартыла бастады
Фото: Altainews.kz
Өскемен қаласында жолаушылар тасымалын жақсарту мақсатында автобус паркі кезең-кезеңімен жаңартылып жатыр. Бұл туралы қала әкімі Алмат Ақышов жергілікті БАҚ өкілдеріне арналған брифинг барысында мәлімдеді, деп хабарлайды Altainews.kz тілшісі.
Әкімнің айтуынша, қазіргі таңда қалаға 5 жаңа автобус сатып алынған. Алдағы уақытта тағы 35 автобус әкелінеді. Осылайша, қаладағы автобус паркінің 70-75 пайызы жаңартылады.
– Қандай жағдай болмасын, ескі көліктер әзірге қатарда қалады. Себебі автопаркті толық жаңартып болғанша, тұрғындарды тасымалдау процесін үзбеуіміз қажет. Бұл – уақытша кезең. Сондықтан қала тұрғындары түсіністік танытады деп сенемін, – деді Алмат Талғатұлы.
Қала әкімінің айтуынша, жаңа автобустар қалаішілік бағыттар бойынша кезең-кезеңімен жолға шығарылады. Бұл бастама Өскемендегі қоғамдық көліктің сапасын жақсартып, жолаушыларға ыңғайлы жағдай жасауға бағытталған.
Айдос Мырзахметов
Оқи отырыңыз
