Өскемен қаласының әуежайы бағыттар санын арттырып, рейстер жиілігін көбейтуде, деп хабарлайды  Altainews.kz тілшісі.

4 мамырдан бастап Новосібір – Өскемен бағыты бойынша рейстер жиілетілді. Ал 13 мамырдан бастап Өскемен мен Анталия арасында тікелей чартерлік рейс іске қосылды.

Бұдан бөлек, 2 маусымнан бастап SCAT әуе компаниясы Өскемен – Шымкент бағыты бойынша тұрақты тікелей рейсті бастайды. Бұл бағыттағы ұшақтар аптасына төрт рет – дүйсенбі, сейсенбі, сәрсенбі және жұма күндері ұшады.

Сонымен қатар, 19 мамырдан бастап ресейлік S7 Airlines компаниясы Мәскеу – Өскемен бағыты бойынша рейстер санын аптасына екіге дейін арттырады. Бұған дейін тек сенбі күндері ұшатын бұл бағытқа енді дүйсенбі күндері де рейс қосылады.

Елизавета Седых