Жексенбі күні облыс орталығында Балаларды қорғау күніне арналған «Қазақстан балалары» атты ауқымды мерекелік шаралар өтеді. Бұл күні қалада көрмелер, шеберлік сабақтары, концерттер мен би кеші ұйымдастырылады. Балаларға арналған аниматорлар да жұмыс істейді. Сонымен қатар, қаланың бірнеше алаңында спорттық ойындар өтеді, деп хабарлайды  Altainews.kz тілшісі.

Республика алаңы:
    •    10:00–11:00 – орталық киіз үйде «Шығыс Самалы» көркемсурет бөлімінің түлектерінің сурет көрмесі өтеді. Халықаралық және республикалық бейнелеу өнері байқауларының жеңімпаздарын марапаттау рәсімі ұйымдастырылады. Сондай-ақ, №1 балалар музыка мектебі мен «Жұлдыз» өнер мектебінің түлектерінің камералық музыка концерті өтеді.
    •    11:00–13:00 – фонтан жанында мерекелік концерт, аниматорлармен бірге қозғалмалы ойындар және «Play arena» ойын алаңы жұмыс істейді.
    •    17:00 – Республика алаңында кешкі би кеші өтеді.

Сол жағалаудағы кешен:
    •    10:00–12:00 – «Арт-бояу» атты балалар сурет байқауы, «Мега-ойындар» атты едендегі ойындар, үстел ойындары бойынша шеберлік сабақтары, шығармашылық шеберлік сағаттары ұйымдастырылады.
    •    13:00–15:00 – мерекелік концерт, «Дарындар патшалығы» музыкалық алаңы жұмыс істейді.

Сондай-ақ, қаланың әртүрлі орындарында спорттық ойындар өтеді.

Елизавета Седых