Шығыс Қазақстанда полиция мен төтенше жағдайлар қызметі бірігіп арнайы рейд өткізді. Мақсат – жүргізушілердің жедел қызмет көліктеріне жол беріп-бермейтінін тексеру, деп хабарлайды  Altainews.kz тілшісі.

Рейд кезінде бір жүргізуші өрт сөндіру көлігіне жол бермей, ережені бұзған. Ол ҚР Әкімшілік құқық бұзушылық кодексінің 598-бабы бойынша жауапкершілікке тартылды.

ШҚО полиция департаментінің мәліметінше, жыл басынан бері дәл осы бап бойынша 6 жүргізуші әкімшілік жауапқа тартылған.

Құтқарушылар мен полицейлер жүргізушілерге маңызды ескерту жасады:
Жолда келе жатқанда дабыл шамы мен дыбысы қосулы жедел қызмет көлігі көрінсе – міндетті түрде жол беру керек. Өйткені әрбір секунд адам өмірін құтқаруы мүмкін.

Елизавета Седых

Видео: ҚР ТЖМ