Бүгін елімізде Полиция күні аталып өтуде. Полиция қызметкерінің біліктілігі мен мамандығына адалдығы – еліміздің қауіпсіздігінің кепілі. Біздің кейіпкеріміз үшін қызмет – жай ғана жұмыс емес, өмірлік ұстаным. Ол – отбасы мен Отан алдындағы парызын қатар алып жүрген азамат, деп хабарлайды Altainews.kz тілшісі.

Қызмет пен отбасы. Адам үшін екеуі де маңызды. Бірақ кейде бірі екіншісінің жолын кесіп өтеді. Ал мамандығына шын берілген жан үшін ең қиын сәттерде де осы екеуінің арасында алтын көпір табылады. Оған подполковник Руслан Хасеновтың өмірінде болған мына бір қызықты оқиға дәлел.

Сол бала арманның жетегімен Руслан Хасенов Дәулет Серікбаев атындағы Шығыс Қазақстан техникалық университетіне түсіп, инженер-механик мамандығын меңгеріп шығады. Басты мақсаты – жол қозғалысын ұйымдастыру саласына бет бұру болатын. Алайда, бұл арманына жету үшін әлі де оқу керек екен. Мемлекеттік автоинспекцияға жұмысқа тұру үшін қосымша заңгерлік білім талап етіле бастаған кез еді.

Сөйтіп, қосымша заңгерлік білім алу үшін Қазақстан–Американдық еркін университетіне оқуға түсіп, кейін 2009 жылдың қаңтарында Ішкі істер министрлігінің Согра кентіндегі алғашқы даярлық училищесіне қызметке орналасады. Осы саладағы еңбек жолы осылай басталды. Алғашқы жылдары көші-қон саласында, заңсыз көші-қонмен күрес бөлімінде қызмет етті.

Сол кездегі бір оқиға өмірінде ұмытылмас сәтке айналды. Еңбек демалысында жүрген. Бір күні бастығы хабарласып, шұғыл Марқакөл ауданына іссапарға бару керек екенін айтады. Онда заңсыз жүрген шетел азаматтарын ұстау тапсырылды.

Қалыңдығы Алмагүл де екі көзі төрт болып, қайта-қайта хабарласқан.

Өскемен қаласы полиция басқармасы көші-қон қызметі бөлімінің бастығы, полиция подполковнигі Руслан Хасеновтың осы салада қызмет еткеніне он алты жылдан асты. Еңбек жолын қалалық заңсыз көші-қонмен күрес бөлімінде бастаған Русланның қызметі табандылығы мен мамандығына адалдығының арқасында бөлім бастығы дәрежесіне дейін өсті. Осы қызмет барысында жат елде заңсыз жүрген шетелдік азаматтарды анықтап, оларды еліне қайтару үшін күн-түн демей еңбек етті. Шетел азаматын құлдықтан құтқарған мына бір операция да оның есінде ерекше қалған. Татарстан Республикасының азаматы бірнеше жыл бойы бостандықтан айырылып, біздің елде құлдықта жүріпті. Арнайы операция барысында оны құтқарып, еліне қайтаруға көмектескен. Адам құқығын қорғау ұйымымен бірлесе отырып, киім-кешегін алып беріп, еліне аттандырғаны есінде.

Бұл – оның қызметінің бір ғана тарауы.

Жұмысынан қолы босай қалса, спортпен айналысқанды, отбасымен тауға шыққанды, табиғатта серуендегенді жақсы көреді. Әдеби кітап оқуды да әдетке айналдырған.