Өскеменде Дүниежүзілік туризм күніне арналған фестиваль өтеді
27 қыркүйекте Өскемен қаласында Дүниежүзілік туризм күніне орай мерекелік фестиваль ұйымдастырылады, деп хабарлайды Altainews.kz тілшісі.
Облыс орталығындағы этнопарк алаңында өтетін шараға Қазақстанның әр өңірінен қонақтармен қатар шетелдік туристер де келеді. Мерекеге Қазақстандағы шетелдік елшіліктердің өкілдері мен Үкімет мүшелері қатыспақ. Сондай-ақ туризм саласының дамуына үлес қосқан кәсіпкерлер мен сала мамандары марапатталады.
– Фестивальдің толық бағдарламасы 1 қыркүйекте бекітіледі. Бұл мереке өңіріміздің туристік әлеуетін таныстырып қана қоймай, туризмді дамытуға серпін береді деп сенеміз. Биыл облысқа келген туристердің саны 21%-ға артты. Мәселен, жазғы маусымда Катонқарағайға шамамен 75 мыңнан астам демалушы келген, – деді ШҚО туризм басқармасының басшысы Ержан Сембинов.
Биылғы жылдың алғашқы тоқсанында Шығыс Қазақстанға 100 мыңға жуық турист келген. Оның ішінде 95 мыңы – отандық, 4 мыңы – шетелдік қонақтар. Сондай-ақ туризм саласына тартылған инвестиция көлемі 49,7%-ға өсіп, 15 млрд теңгеге жеткен.
Оқи отырыңыз
Былтыр Қазақстан 15 млн-нан астам шетелдік туристі қабылдадыҚазақстанның туристік нысандарына қызығушылық артып келедіӨңірлік туризмді дамытуға арналған жобаларға тек отандық инвесторлар қатысадыШығыс Қазақстан: Қытаймен шекарадағы бизнес өсіп келедіЕнді Қазақстанға келген шетелдік туристер салық төлемейтін болды
