ШҚО ТЖД тұрғындарға дауылды ескерту жасады
«Қазгидромет» ШҚ филиалының мәліметінше, 18 тамыз күні облыстың бірқатар аудандарында қолайсыз ауа райы күтіледі, деп хабарлайды Altainews.kz тілшісі.
– «Шығыс Қазақстанның солтүстігі мен шығысында қатты жаңбыр, бұршақ жауып, дауыл соғады деп болжанып отыр. Найзағай ойнайды. Түнде және таңертең тұман күтіледі. Оңтүстік-шығыстан соққан жел оңтүстік-батысқа ауысады. Облыстың батысы, солтүстігі мен оңтүстігінде желдің жылдамдығы секундына 15-20 метрге дейін жетуі мүмкін. Ал өңірдің оңтүстігінде өрт қаупі жоғары деңгейде сақталады», – деп хабарлады ШҚО ТЖД.
Өскемен қаласында да 18 тамыз күні найзағай ойнап, күндіз бұршақ жаууы ықтимал. Желдің екпіні 15-20 м/с-қа дейін күшейеді.
Төтенше жағдайлар департаменті тұрғындарға қауіпсіздік шараларын қатаң сақтауды ескертеді:
-
найзағай кезінде үйде болған жөн, терезе мен есікті жабыңыз, электр құрылғыларын токтан ажыратып, пайдаланбаңыз;
-
металл қоршаулардың, шатырлардың, электр өткізгіштердің қасында тұрмаңыз;
-
қатты желде сымдарға, ағаштарға және аялдамаларға жақындамаңыз;
-
өрт қауіпсіздігін сақтаңыз: қоқыс, құрғақ шөп пен қамыс жақпаңыз, темекі тұқылын және шыны ыдыстарды тастамаңыз;
-
саяжайларда алғашқы өрт сөндіру құралдары болуы тиіс.
– «Төтенше жағдай туындаған жағдайда 112 нөміріне қоңырау шалыңыз», – деп қосты департамент.
Оқи отырыңыз
