19 қыркүйек күні Өскеменнің қасында орналасқан Быструха ауылы маңында орманды қалпына келтіруге арналған үлкен шара өтпек. Бұл – табиғатқа қамқор болып, болашаққа жасыл мұра қалдырудың бір жолы, деп хабарлайды Altainews.kz тілшісі.

Бұл шараға кез келген қала тұрғыны қатыса алады. Ең бастысы – табиғатты жақсы көру және аз уақыт бөлу. Арнайы тегін автобус ұйымдастырылған, сондықтан көлік жайлы ойламай-ақ қойсаңыз болады.

Жиналу таңғы сағат 9:00-де Өскемендегі Борис Александров атындағы спорт сарайының алдында болады. Ал шара өтетін орынға келу уақыты – сағат 10:00.

Мұндай акциялар орманды ғана емес, адамдарды да біріктіреді. Бірге ағаш отырғызған сайын табиғатқа жақындаймыз, туған жерімізді көркейтуге үлес қосамыз. Әр отырғызылған жас көшет – болашақ ұрпаққа қалатын аманат.

Қосымша ақпаратты @cero.kz парақшасынан біле аласыз.

Елизавета Седых