Шығыс Қазақстан облысының әкімі Нұрымбет Сақтағанов Данияда өткен халықаралық EuroSkills Herning 2025 чемпионатында «Кәсіби шеберлігі үшін» медалін жеңіп алған жерлесіміз Артём Мочинскиймен жүздесті, деп хабарлайды Altainews.kz тілшісі.

Артём – Өскемен жоғары политехникалық колледжінің 4-курс студенті. Ол бұған дейін «WorldSkills Shygys 2024» өңірлік чемпионатында жеңімпаз атанып, «WorldSkills Kazakhstan 2024» ұлттық сайысында күміс медаль алған. Биыл болса, Қазақстан құрамасы сапында «Мехатроника» бағыты бойынша Данияда өнер көрсетіп, ел намысын абыроймен қорғады.

Өз кезегінде Артём жарыстың оңай болмағанын жасырмады. Әсіресе, үшінші күні мүлде таныс емес жабдыққа жаңа контроллерлерді қосу тапсырмасы қиынға соққанын айтты.

Фото: ШҚО әкімдігі баспасөз қызметі