ШҚО-да қар көшкіні болуы мүмкін
Фото: el.kz
«Қазселденқорғау» ММ ШҚО филиалының ақпараты бойынша, қолайсыз метеожағдайларға байланысты 31 қаңтар мен 2 ақпан аралығында облыстың таулы аудандарында қар көшкіні жүру қаупі бар, деп хабарлайды Altaynews.kz тілшісі.
ШҚО ТЖД мамандарының ұсынысы бойынша, бұл уақытта тауға барудан бас тартқан жөн.
- Көшкін қаупі бар ошақтар автомобиль жолдарына қауіп төндіреді. Сондықтан олардың жанынан өтіп бара жатқанда тоқтамай, қауіпті аймақтан тез шығыңыз, - деп хабарлайды ТЖД баспасөз қызметі.
Егер төтенше жағдайға тап болып, өрт сөндірушілердің немесе құтқарушылардың көмегі қажет болса, ұялы телефоннан «112» - жедел қызметтерді шақырудың бірыңғай нөміріне хабарласыңыз.
Айжанат Бақытқызы
Оқи отырыңыз
