Қазақстанда кен орындары бойынша 100 аукцион өткізіледі
Фото: vietnambiz.vn
Қазақстанда 100 кен орны бойынша аукциондар өткізу жоспарлануда. Кен орындарының көпшілігі жақында жосықсыз жер қойнауын пайдаланушылармен жасалған шарттарды тексеру барысында мемлекетке қайтарылған, деп хабарлайды Altainews.kz тілшісі.
ҚР Өнеркәсіп және құрылыс министрі Қанат Шарлапаевтың айтуынша, бұл қазіргі уақытта пайдаланылмайтын бірқатар кен орындарында өндірісті қалпына келтіруге жол ашып, саланы нығайтуға және осы кен орындарын дамыту үшін инвестиция тартуға ықпал етеді.
«Riotinto және Fortescue секілді ірі әлемдік компаниялардың аукциондарға қатысуы әлеуетті ресурстарға бай, алайда әзірге игерілмеген кен орындарын зерттеу мүмкіндігі үшін бәсекелестіктің күшейгенін көрсетеді. Ресурстар әлі табылмаған және зерттеудің бастапқы кезеңінде мүмкіндіктері бар аймақтардағы геологиялық барлау құқықтары үшін бұл бәсеке біздің елімізге үлкен болашағы бар орын ретінде сенімділік пен қызығушылықты көрсетеді», - деп атап өтті министр.
Оқи отырыңыз
