Шығыс Қазақстан облысында екі жыл бұрын  банкроттыққа ұшыраған серіктестік  қызметкерлері алдындағы жалақы берешігін осы уақытқа дейін өтемеген.

Тек облыстық прокуратураның іске араласуынан кейін банкрот кәсіпорынның мүлкі сатылып, қызметкерлер алдындағы жалақы қарызы толығымен өтелді, деп хабарлайды Altainews.kz тілшісі.

«Шығысстройгруп» ЖШС банкроттық басқарушысы екі жылдан астам уақыт бойы 42 қызметкердің алдында 12,6 млн теңге жалақы берешегін өтеу үшін өз мүлкін сату шараларын қабылдамаған. Прокуратураның араласуынан кейін кәсіпорынның бұрынғы басшысы банкроттық басқарушы және салық органдарымен жұмыс кездесуін өткізіп, құқықтық және әдістемелік көмек көрсетті. Дәйекті әрекеттердің нәтижесінде банкрот кәсіпорынның мүлкі сатылды. Қызметкерлер алдындағы жалақы қарызы толығымен өтелді», делінген облыстық прокуратураның сайтындағы хабарламада. 

Облыс прокуратурасы азаматтың еңбек жағдайлары мен еңбегі үшін қандай да бір кемсітусіз жалақы алу құқығы берілетінін түсіндіреді.

Жұмыс беруші жалақыны еңбек және ұжымдық шарттарда белгіленген мерзімдерде толық көлемде төлемеген кезде жұмыс беруші Қазақстан Республикасының Әкімшілік құқық бұзушылық туралы кодексінің 87-бабы бойынша да, сондай-ақ, Қазақстан Республикасы Қылмыстық кодексінің 152-бабы бойынша да туындаған зардаптардың ауырлығына қарай жауапкершілік жүктейді.